當前位置:婁底人才網 > 職場資訊 > 人在職場 > 正文

90后開日式料理店 貓飯做招牌

作者:admin  時間:2018-05-19 14:13  點擊:5656

24歲,不少人出社會工作冇耐,還是渾渾噩噩,未知前路。但阿邦已經是日本家庭式料理「稚」的店主。在這年多的經營里,阿邦遇過不少困難,在裝修費上賠上20萬;又遇上與友人和平拆伙,獨挑大樑。他用《深夜食堂》出現過的貓飯做招牌菜,配上其他食物,招徠不少客人,至今業績穩步上揚,在競爭激烈的元朗絕對不失禮。
 
 
訪問期間回想創業,阿邦不斷說多謝,對《食在元朗》的谷友說多謝,對以前半島酒店師傅及師兄弟的教導說感激,提到以前的好兄弟阿恆,也是多句感謝。
 
不少食客慕名而來,為的是一碗在著名日劇《深夜食堂》出現過的貓飯。老闆阿邦說:「喺第二話主角用貓飯治癒女主角,我與拍檔就用貓飯做招牌菜。客人睇餐牌時,未聽過但會想試,其實貓飯係一碗醬油拌飯,內有牛油、日本醬油、紫菜絲及木魚花等,定食加$10就可食到,唔少客人都係為貓飯再嚟幫襯。」除了貓飯外,阿邦表示不少食客也為鰻魚而來。「我哋嘅鰻魚大份夾抵食,炸物、馬鈴薯燉肉、和風牛肉、滑蛋吉列豬扒及咖喱都好多人叫。」
 
 
貓飯其實即有牛油、日本醬油、紫菜絲及木魚花等的醬油拌飯。 3. 原條浦燒鰻魚定食(包味噌湯、貓飯及茶) $128
 
稚由分別現年24歲及22歲的阿邦及阿恆創立,店鋪的實用面積僅2百多呎,足以令年紀輕輕的2人一圓創業夢。阿邦說:「中三畢業后,我去中華廚藝學院學廚3年,課程包括烹調技巧、營養學及衛生常識等,后來到中環鏞記學師,再經老師介紹到半島酒店嘉麟樓,跟咗行政總廚鄧聰能師傅3年半。」
 
 
 
當時阿恆任職調酒師,他與阿邦是由中一識到大的朋友,在打工時大家已有創業的念頭,所以這幾年來,各自都有儲錢。「我哋從事餐飲業,3餐都包,寧愿少啲出去食,放假多啲陪家人食飯,慳番啲錢。」阿邦在創業前夕更放棄自己的興趣,將已儲多年的波鞋和牛仔褲放賣,最終每人約儲了二十多萬。
 
 
 
日本菜成本較低
他們想過開酒吧、餐廳,但一直都沒有付諸行動,直至有次阿邦到日本旅行,靈機一觸,想在香港開一間讓人有家居感覺的日式料理店。「打工太多限制,俾好多嘢框住,創業可以有發揮空間。我哋嘅目標好簡單,想開一間屬于自己嘅鋪頭,開開心心夠生活就可以。」阿邦表示開中餐廳,需添置爐頭及蒸柜等設備,成本好高,但日本菜就不同,只需很基本的設備便可以開業。
 
 
大坂燒(晚市供應)$68
 
新餐廳阿邦負責廚房,阿恆主力鋪面。一直未接觸過日本菜的阿邦,在開業前3個月,向到半島酒店日本餐廳工作的師兄弟討教偷師,包括如何調校汁醬及一些菜的造法。「論刀工、烹調技巧,其實萬變不離其中,中菜師傅都可以喺短時間內掌握到日本菜嘅技巧,唯一係中菜多用爐火大鑊,
 
 
 
晚上甫6點,便開始有不少年輕食客入座。
 
業主減15%租金
當阿邦掌握好廚藝后,便開始物色鋪位。「港島九龍租金比較貴,我哋住喺屯門,所以首選屯門、元朗嘅鋪位。喺機緣巧合下,我哋走入一間元朗嘅地產鋪,經紀聽到我哋嘅創業理念,就搵現時鋪位嘅業主,我哋懇求業主畀年輕人一次機會,話我哋唔係玩玩下,會認真用心去做,能夠長期合作,業主好好首年肯減15%租金。」
 
 
廚師阿偉(左)在稚開業頭一星期已經聘用,經阿邦訓練后,已由生手變熟手。
 
可能一切來得太順利,到裝修時卻撞大板,令他們損失20萬!阿邦說:「我哋太心急開鋪啦,外面搵裝修公司報價要三十幾萬,最終上網搵到一間包一條龍裝修及出牌嘅裝修公司,只收20萬。我哋要求30日交貨,用現金找數,但臨交貨期,見間鋪仲係同廢墟一樣,裝修唔啱出牌規格,好似冇裝鮮風系統等。我哋心知不妙,搵熟人嚟睇,佢叫我哋另外搵人裝修,話呢間裝修公司出名爛尾呃裝修費。」
 
 
約半年前,阿邦看到有個畫家在街邊畫長畫,便找他畫一幅,「用我鍾意嘅漫畫人物做主題,佢只收我成本價。」
 
裝修中伏蝕20萬
朋友說報價單不清晰,沒有列明起不到貨怎樣賠償,也不應該交現金,應付支票。阿邦說:「當時我哋俾裝修公司嘅花言巧語呃到,太心急簽咗約,只能從小額錢債審裁處或搵律師民事起訴,但咁樣好費時傷神,加上我哋已經冇錢去告。」結果他們要向銀行額外多借十多萬,另找熟人介紹的裝修公司收拾殘局,最終多花1個月完成裝修,在16年9月開業。
 
 
阿邦凡事親力親為,包括開鋪收鋪搬搬抬抬。
 
甫開業時還未摸熟流程,怕出品不穩定,故逢星期一休息。阿邦表示:「晚市人流較多,約佔6成幾生意,主要客群包括附近居民、學生、店鋪嘅員工等,當中18至30歲約佔營業額6、7成。」
 
 
阿邦親自處理串燒,他說雖選擇不算多,但款款皆精造。
 
阿邦指客人在午市通常會叫一個定食,如牛肉定食、吉列豬扒定食或雞扒定食,價錢由$46起,「逢星期一至五身穿校服學生會有優惠,以上3款定食都只需$40。晚市食客除咗會叫定食外,亦會叫串燒及小食。」
 
 
串燒包括燒京蔥($16)、豚肉串($18,可選鹽燒或汁燒)、雞軟骨串($18)及一口和牛串($20)等。
 
《食在元朗》谷起生意
他們初時是零推廣,只開了一個facebook專頁,生意一直未上軌道,直至幾個月后,有谷友在《食在元朗》facebook專頁開post說很滿意稚的食物。「谷友之后有嚟試,更吸引《飲食男女》等其他報刊傳媒報導,多咗曝光嘅機會。」
 
 
蜂蜜芥末雞翼 $40
 
生意漸上軌道,阿邦與阿恆卻在剛過去的農曆新年前拆伙。「阿恆一直都想開酒吧,咁啱佢同新拍擋喺屯門開,佢驚唔能夠分心。」阿邦說100%支持阿恆的決定,現稚變成獨資,為解決鋪面人手不足的問題,他將部分兼職員工變成全職。
 
 
靜岡綠茶可樂(左)及鰻魚可樂 各$22
 
營造房間感覺
元朗有不少日式料理店,但阿邦說他沒空去想怎樣與別人競爭,只專注如何把稚做得更好。「除食物質素外,我希望畀到客人有『我的餐廳就是我的房間』嘅感覺,營造家庭溫馨。」餐廳牆上現有砌圖、公仔等,有些是朋友送來,有些是從阿邦家中拿來,他說會陸續添加。「我間房當然會擺滿自己鍾意嘅物品,畀客人覺得有新鮮感,亦有親切感。」

分享到:
[收藏] [返回頂部] [關閉窗口]



江西快3计划网